IRCTC TATKAL TICKET ఇలా చేస్తే.. ట్రైన్ తత్కాల్ టికెట్ వెంటనే బుక్ అయిపోతుందని తెలుసా.. మీరూ ఓసారి ట్రై చేసి చూడండి..

IRCTC Tatkal Ticket ఈ ఒక్క పని చేస్తే చాలు.. ఐఆర్‌సిటిసి ట్రైన్ తత్కాల్ టికెట్లు వెంటనే బుక్ అయిపోతాయి. కావాలంటే మీరు కూడా ఓసారి ట్రై చేసి చూడండి. ఇంతకీ ఏం చేయాలో తెలుసా...

IRCTC Tatkal Ticket ట్రైన్ జర్నీ చేసే వారికి తత్కాల్ టికెట్ ప్రియారిటీ గురించి ప్రత్యేకంగా చెప్పాల్సిన అవసరం లేదు. రెగ్యులర్ టికెట్లు అందుబాటులో లేని సమయంలో ప్రతి ఒక్కరూ తత్కాల్ టికెట్లను బుక్ చేస్తుంటారు. అయితే వీటిని ఎప్పుడు పడితే అప్పుడు బుక్ చేసుకోవడానికి కుదరదు. తత్కాల్ టికెట్లు కావాలంటే ట్రైన్ బయలుదేరడానికి కనీసం 24 గంటల ముందు అవకాశం ఉంటుంది. అది కూడా ఏసీ టికెట్లు కావాలంటే ఉదయం 10 గంటల నుంచి 11 గంటల వరకు అందుబాటులో ఉంటాయి. నాన్ ఏసీ(స్లీపర్) టికెట్లు కావాలంటే ఉదయం 11 గంటల నుంచి ఉదయం 12 గంటల వరకు మాత్రమే అందుబాటులో ఉంటుంది. అయితే ఈ తత్కాల్ రిజర్వేషన్ టికెట్లు దొరకడం అంత ఈజీ కాదు. చాలా మంది ఈ టికెట్లను బుక్ చేసే లోపే సమయం అయిపోతుంది. అయితే మీరు వేగంగా తత్కాల్ ట్రైన్ టికెట్ బుక్ చేసుకోవాలంటే ఈ విషయాలను గుర్తంచుకోవాలి. IRCTC వెబ్‌సైట్ లేదా యాప్‌లో కొన్ని ఈజీ టిప్స్ ఫాలో అయితే తత్కాల్ ట్రైన్ టికెట్‌ను సులభంగా బుక్ చేసుకోవచ్చు. అదెలాగో ఇప్పుడు తెలుసుకుందాం...అకౌంట్ తప్పనిసరి..

IRCTCలో తత్కాల్ టికెట్ బుక్ చేసుకోవాలనుకునే వారు తప్పనిసరిగా IRCTC అకౌంట్ కలిగి ఉండాలి. ఒకవేళ మీరు ఈ అకౌంట్ లేకపోతే https://www.irctc.co.in/ వెబ్‌సైట్ లేదా IRCTC యాప్ ఓపెన్ చేసి అకౌంట్ క్రియేట్ చేయొచ్చు. అకౌంట్ క్రియేట్ చేసుకున్న తర్వాత, My Account సెక్షన్‌‌పై క్లిక్ చేయండి. ఆ తర్వాత Master జాబితాను సెలెక్ట్ చేసుకోవాలి. అందులో మీ పేరు, వయసు, జెండర్, పుట్టిన తేదీ వివరాలు, ఫుడ్ డీటెయిల్స్, కావాల్సిన బెర్త్, సీనియర్ సిటిజన్, మీ ఐడి కార్డు సెలెక్ట్ చేసి, దాని నెంబరు వంటి వివరాలన్నింటినీ ముందే యాడ్ చేయాలి.

ఎంతమందిని యాడ్ చేయొచ్చంటే..

మీ వివరాలతో పాటు మీ ఫ్యామిలీ, ఫ్రెండ్స్ వివరాలను కూడా యాడ్ చేయొచ్చు. ఇలా గరిష్టంగా 20 మంది ప్రయాణికుల వివరాలను నమోదు చేయొచ్చు. అందులోనూ ఆధార్ వెరిఫై అయ్యిందో లేదా చూసుకోవాలి. అంతేకాదు మీరు బుక్ చేసుకునే టికెట్లలో ఒకసారి జర్నీ చేసే సమయంలో ఇద్దరి కంటే ఎక్కువ మందికి లోయర్ బర్త్ ఆప్షన్ ఉండదు. ఇలా చేస్తే చాలు మీ తత్కాల్ టికెట్లను బుక్ చేసుకోవడానికి మీరు సిద్ధమైనట్టే.

ఎలా బుక్ చేసుకోవాలంటే..

* ఏసీ తత్కాల్ టికెట్స్ కావాల్సిన వారు IRCTC వెబ్ సైట్ లేదా యాప్‌ను ఉదయం 9:57 గంటలకు, స్లీపర్ టికెట్ల కోసం 10:57 గంటలకు లాగిన్ అవ్వాలి.* లాగిన్ అయిన వెంటనే ప్లాన్ మై జర్నీ ట్యాబ్ కింద ఎవరైతే జర్నీ చేయాలనుకుంటున్నారో వారి పేర్లను సెలెక్ట్ చేసుకోవాలి. * అనంతరం స్టేషన్ పేర్లను టైప్ చేసి, జర్నీ చేసే డేట్ సెలెక్ట్ చేసుకోవాలి. అయితే ఒక్క పిఎన్ఆర్ నెంబరుపై గరిష్టంగా నాలుగు తత్కాల్ టికెట్లను మాత్రమే బుక్ చేసుకునే అవకాశం ఉంటుంది. * అనంతరం మీరు టికెట్ బుక్ చేసుకోవాలనుకుంటున్న కోచ్ సెలెక్ట్ చేసుకుని, జర్నీ చేసే వారి వివరాలను ఎంటర్ చేయాలి. అయితే వారి వివరాలను మాస్టర్ జాబితాలో సేవ్ చేయడం వల్ల అక్కడ ఆటోమేటిక్‌గా డిస్‌ప్లే అవుతాయి.

వేగంగా పొందొచ్చు..

* ఆ వివరాలన్నీ ఓసారి చెక్ చేసుకుని.. డైరెక్టుగా పేమెంట్ ఆప్షన్‌పై క్లిక్ చేయాలి. ఓటిపి ఎంటర్ చేసి పేమెంట్ పూర్తి చేసిన తర్వాత, మై బుకింగ్ ట్యాబ్‌లో మీ టికెట్స్ చూసుకోవచ్చు.* టికెట్ కన్ఫార్మ్ అయితే మీ మెయిల్ ఐడికి, మీరు ఇచ్చిన మొబైల్ నెంబర్‌కు సీట్ల నెంబర్లు, కోచ్ వివరాలు, పిఎన్ఆర్ నెంబరుతో సహా అన్ని వివరాలొస్తాయి. * కాబట్టి ముందుగా మాస్టర్ జాబితాలో ప్రయాణికుల వివరాలను యాడ్ చేయడం వల్ల చాలా వేగంగా తత్కాల్ టికెట్లను పొందొచ్చు.