ప్రకాశం: కారులో మూడు మూటలు.. అతి తెలివితో ప్లాన్, అడ్డంగా దొరికిపోయారు

ప్రకాశం జిల్లాలో భారీగా మద్యాన్ని పోలీసులు సీజ్ చేశారు. అర్థవీడు మండలం పోతురాజుటూరు- యాచవరం మధ్య నడుమ కారులో అక్రమంగా తరలిస్తున్న మద్యం సీసాలను స్వాధీనం చేసుకొని ఇద్దరిని అరెస్ట్ చేశారు. కాకర్ల ప్రభుత్వ మద్యం దుకాణంలో సూపర్‌వైజర్‌గా పనిచేస్తున్న కొప్పుల వెంకట రమేష్‌, అక్కడే వాచ్‌మెన్‌గా విధులు నిర్వహిస్తున్న దార్ల అనిల్‌, అదనపు డబ్బులకు ఆశపడి యాచవరంలో బెల్ట్ షాపు నిర్వహిస్తున్న యామ చిన్న వెంకటేశ్వర్లుతో కలిసి కారులో 288 క్వార్టర్‌ సీసాలను తరలిస్తున్నారు. కారును చూసి అనుమానంతో ఆపి తనిఖీ చేశారు.

పోలీసులు కారులో సోదాలు చేయగా.. మూడు మూటల్లో 180 ఎంఎల్‌ సీసాలు స్వాధీనం చేసుకున్నారు. నిందితుల్లో వెంకట రమేష్‌, అనిల్‌ను అరెస్టు చేయగా, మరో నిందితుడు యామ చిన్న వెంకటేశ్వర్లు పరారైనట్లు పోలీసులు తెలిపారు. ఆ మద్యాన్ని ఎక్కువ రేటుకు అమ్ముతున్నట్లు చెప్పారు. మద్యం సీసాలు, కారు, మొబైల్స్ విలువ సుమారు రూ. 3 లక్షలు ఉంటుందని చెప్పారు. నిందితులను గిద్దలూరు కోర్టుకు తరలించినట్లు పేర్కొన్నారు. 51.8 లీటర్ల మద్యం ఉన్నట్లు వివరించారు. అక్రమంగా మద్యం, మత్తు పదార్థాలు వంటివి తరలిస్తే చర్యలు తీసుకుంటామన్నారు.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-03-28T02:39:15Z dg43tfdfdgfd