IFFCO: ఏపీ, తెలంగాణ సహా 12 రాష్ట్రాల్లో డ్రోన్లతో ఎరువుల పిచికారీ.. ఇఫ్కోతో కీలక ఒప్పందం!

IFFCO: ప్రస్తుతం వ్యవసాయ రంగంలో ఆధునిక టెక్నాలజీ అందుబాటులోకి వస్తోంది. దీంతో రైతులకు సాగు పనులు చాలా సులభమవుతున్నాయి. పంట వేసినప్పటి నుంచి కోసే వరకు అన్నీ యంత్రాల సాయంతోనే చేస్తున్నారు. ఫెస్టిలైజర్స్, పెస్టిసైడ్స్ వంటి పురుగుమందులు, ఎరువులు చల్లడం వంటివి నేరుగా రైతులే చేయడంతో ఇబ్బందులు ఏర్పడుతున్నాయి. ఇప్పుడు పురుగు ముందులు, ఎరువుల పిచికారీకీ డ్రోన్లు వచ్చేశాయి. కానీ, పెద్ద పెద్ద రైతుల వద్దే డ్రోన్లు ఉండడంతో చిన్న రైతులకు ఆ సేవలు దూరమవుతున్నాయి. ఈ క్రమంలోనే ప్రముఖ డ్రోన్ల తయారీ కంపెనీ డ్రోన్ డెస్టినేషన్ కీలక ఒప్పందం కుదుర్చుకుంది.

30 లక్షల ఎకరాల సాగు భూముల్లో పురుగు మందులు, ఎరువుల పిచికారీ ప్రముఖ ఎరువుల తయారీ కంపెనీ ఇఫ్కోతో ఒప్పందు కుదుర్చుకున్నట్లు డ్రోన్ డెస్టినేషన్ తెలిపింది. ఈ ఒప్పందం ప్రకారం ఎకరాకు రూ.400 నుంచి రూ. 800 చొప్పున చెల్లిస్తారు. కనిష్ఠ ధర వద్ద రూ.120 కోట్లు, గరిష్ఠ ధర వద్ద రూ. 240 కోట్లు ఆర్జించగలమని డ్రోన్ డెస్టినేషన్ తెలిపింది. ఈ ఒప్పందంలో భాగంగా ఆంధ్రప్రదేశ్, తెలంగాణ రాష్ట్రాలతో మొత్తం 12 రాష్ట్రాల్లో డ్రోన్ డెస్టినేషన్ ఈ కార్యకలాపాలు చేపట్టనుంది. ఈ జాబితాలో బిహార్, గుజరాత్, హరియాణా, కర్ణాటక, మధ్య ప్రదేశ్, మహారాష్ట్ర, పంజాబ్, రాజస్థాన్, తెలంగాణ, ఉత్తర్ ప్రదేశ్, ఉత్తరాఖండ్, ఆంధ్ర ప్రదేశ్ ఉన్నాయి.

'భారతీయ వ్యవసాయ ముఖచిత్రాన్ని మార్చేందుకు ప్రపంచంలోని అగ్ర శ్రేణి సహకార సంస్థ ఇఫ్కోతో భాగస్వామి కావడం పట్ల మే సంతోషిస్తున్నాము. డ్రోన్లు విస్తృతమైన అప్లికేషన్లను కలిగి ఉన్నాయి. మానవ మనుగడకు ప్రాథమికమైన వ్యవసాయంపై వాటి ప్రభావం విప్లవాత్మకమైనది. డ్రోన్లు భారత దేశంలో వ్యవసాయ పద్ధతులకు సామర్థ్యం, స్కేలబిలిటీ, వ్యయ పోటీతత్వం, వేగాన్ని తెస్తాయి. ఈ రంగం జీడీపీకి తన సహకారాన్ని పెంచడానికి వీలు కల్పిస్తుంది.' అని పేర్కొన్నారు డ్రోన్ డెస్టినేషన్ ఛైర్మన్ అలోక్ శర్మ.

ఈ డ్రోన్లు ఇఫ్కో నానో యూరియా, నానో డీఏపీ, సాగరిక, ఇఫ్కో ఎంసీ ఆగ్రో కేమికల్స్ సహా ఇతర ఇఫ్కో, ఇఫ్కో జాయింట్ వెంచర్ అగ్రి ఉత్పత్తులను పిచికారీ చేయనున్నాయి. వ్యవసాయ ఉత్పత్తిని, సామర్థ్యాన్ని పెంచే లక్ష్యంతో ఈ ఒప్పందం కుదుర్చుకున్నాయి ఇరు సంస్థలు.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-05-07T01:24:42Z dg43tfdfdgfd