JEE MAIN 2024 : జేఈఈ మెయిన్‌ సెషన్‌-2 సిటీ ఇంటిమేషన్‌ స్లిప్పులు వచ్చేశాయ్‌.. లింక్‌ ఇదే

JEE Main 2024 City Intimation Slip : అలర్ట్‌.. దేశవ్యాప్తంగా ప్రతిష్ఠాత్మక విద్యాసంస్థల్లో బీటెక్‌ (BTech) సీట్ల భర్తీకి సంబంధించిన.. జాయింట్‌ ఎంట్రన్స్‌ ఎగ్జామినేషన్‌ (JEE) మెయిన్స్ 2024 సెషన్-2 సిటీ ఇంటిమేషన్‌ స్లిప్పులను నేషనల్‌ టెస్టింగ్ ఏజెన్సీ (NTA) విడుదల చేసింది. ఈ పరీక్షకు దరఖాస్తు చేసుకున్న అభ్యర్థులు జేఈఈ అధికారిక వెబ్‌సైట్‌లో అప్లికేషన్ నంబర్, పుట్టిన తేదీ, కోర్సు, సెక్యూరిటీ పిన్‌ నమోదు చేసి పరీక్ష కేంద్రం వివరాలను తెలుసుకోవచ్చు. ఈ స్లిప్పులో పరీక్ష కేంద్రం, నగరం, తేదీ, సమయం, విధివిధానాలు తదితర సమాచారం ఉంటుంది. త్వరలో అడ్మిట్‌ కార్డులు కూడా విడుదల కానున్నాయి. ఈ ఫైనల్‌ (Session 2) పరీక్షలు ఏప్రిల్‌ 4 నుంచి 15 మధ్య నిర్వహించనున్నారు. (జేఈఈ మెయిన్‌ సెషన్‌-2 పరీక్ష తేదీలు మళ్లీ మారాయి.. కొత్త తేదీలివే)

దేశవ్యాప్తంగా ప్రతిష్ఠాత్మక విద్యాసంస్థల్లో బీటెక్‌ (BTech) సీట్ల భర్తీకి జేఈఈ మెయిన్‌ స్కోరే ప్రామాణికమనే విషయం తెలిసిందే. JEE Main 2024 City Intimation Slip డౌన్‌లోడ్‌ చేసుకోవడానికి డైరెక్ట్‌ లింక్‌ ఇదే.. క్లిక్‌ చేయండి. జాయింట్ ఎంట్రన్స్ ఎగ్జామినేషన్(JEE) మెయిన్‌-2024 సెషన్‌-2 దరఖాస్తు ప్రక్రియ మార్చి 2వ తేదీ వరకు ఆన్‌లైన్‌ విధానంలో దరఖాస్తు చేసుకునే అవకాశం కల్పించారు. ఈ సెషన్‌-2 పరీక్షలను ఏప్రిల్‌ 4 నుంచి 15వ తేదీ వరకు నిర్వహించనున్నట్లు జాతీయ పరీక్షల సంస్థ (NTA) ప్రకటించింది. ఏప్రిల్‌ 25వ తేదీన ఫలితాలు వెల్లడి కానున్నాయి. ఈ మేరకు ఎన్‌టీఏ నోటిఫికేషన్‌ జారీ చేసింది. అభ్యర్థులు పూర్తి వివరాలను https://jeemain.nta.ac.in/ వెబ్‌సైట్‌లో చూడొచ్చు.

జేఈఈ మెయిన్‌ 2024 తొలి విడత (సెషన్‌-1) పరీక్షలు జనవరి 24 నుంచి ఫిబ్రవరి 1వ తేదీ వరకు ఎన్‌టీఏ నిర్వహించిన విషయం తెలిసిందే. దేశవ్యాప్తంగా ఎన్‌ఐటీలు, ట్రిపుల్‌ ఐటీల్లో బీటెక్‌ సీట్లను జేఈఈ మెయిన్‌ ర్యాంకుల ఆధారంగానే భర్తీ చేస్తారు. ఐఐటీల్లో చేరాలంటే జేఈఈ అడ్వాన్స్‌డ్‌ రాయాలి. మెయిన్‌లో కనీస మార్కులు సాధించి అర్హత పొందిన 2.50 లక్షల మందికి మాత్రమే అడ్వాన్స్‌డ్‌ పరీక్ష రాసేందుకు అవకాశం ఉంటుంది.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-03-28T10:49:11Z dg43tfdfdgfd