అల్ జజీరా వార్తా సంస్థపై ఇజ్రాయెల్ నిషేధం
ఇజ్రాయెల్‌లో అల్ జజీరా వార్తా సంస్థను నిషేధిస్తున్నట్లు ఇజ్రాయెల్ ప్రధానమంత్రి బెంజమిన్ నెతన్యాహు ప్రకటించారు.
ఖతర్‌కు చెందిన ఈ న్యూస్ నెట్‌వర్క్‌ను ‘‘రెచ్చగొట్టే సంస్థ’’ అని ఆరోపిస్తూ, ఏకగ్రీవంగా క్యాబినెట్ ఈ నిర్ణయాన్ని తీసుకుందని చెప్పారు.
అయితే, అల్ జజీరా దీన్ని ఖండించింది. ఈ చర్యను నేరపూరితమని అభివర్ణించింది.
గాజాలోకి వెళ్లకుండా విదేశీ జర్నలిస్టులను నిషేధించారు. గాజాలో ఉన్న కొద్ది మంది రిపోర్టర్లలో అల్ జజీరా సిబ్బంది కూడా ఉన్నారు.
అల్ జజీరా నెట్‌వర్క్ ఇజ్రాయెల్ వ్యతిరేకి అంటూ కొన్నేళ్లుగా ఇజ్రాయెల్ అధికారులు ఆరోపిస్తున్నారు.
గత ఏడాది అక్టోబర్ 7న ఇజ్రాయెల్‌పై హమాస్ దాడి చేసినప్పటి నుంచి ఈ వార్తా సంస్థపై ఇజ్రాయెల్ విమర్శలు తీవ్రమయ్యాయి. నాటి హమాస్ దాడిలో 1200 మంది చనిపోగా, 250 మందికి పైగా బందీలయ్యారు. వీరిలో 128 మంది ఆచూకీ తెలియకపోగా, 34 మందికి పైగా చనిపోయినట్ల భావిస్తున్నారు.
హమాస్ అధ్వర్యంలోని ఆరోగ్య మంత్రిత్వ శాఖ ప్రకారం, అక్టోబర్ 7నుంచి గాజాలో 34,683 మంది పాలస్తీనియన్లు చనిపోయారు. 78, 018 మంది గాయపడ్డారు.
అల్‌జజీరాకు హమాస్‌తో సన్నిహిత సంబంధాలు ఉన్నాయని ఇజ్రాయెల్ అధికారులు అంటున్నారు. ఈ వ్యాఖ్యలను అల్ జజీరా నెట్‌వర్క్ కొట్టిపారేసింది.
గత నెలలో ఇజ్రాయెల్ పార్లమెంట్ ఒక చట్టాన్ని ఆమోదించింది. ఈ చట్టం ప్రకారం, హమాస్‌తో యుద్ధం సందర్భంగా జాతీయ భద్రతకు ముప్పుగా భావించే విదేశీ వార్తా ప్రసార సంస్థలను తాత్కాలికంగా నిషేధించే అధికారం ప్రభుత్వానికి ఉంటుంది.
ఈ నిషేధం వెంటనే అమల్లోకి వస్తుందంటూ కమ్యూనికేషన్ మినిస్టర్ శ్లోమో కర్హి చెప్పారు.
ప్రతీ 45 రోజులకు ఒకసారి దీన్ని సమీక్షిస్తారు.
తాత్కాలిక ఆదేశాల ప్రకారం, ఇది ఆఫీసులను మూసేయడం, వెబ్‌సైట్లను తొలగించడం, సామగ్రిని జప్తు చేసుకోవడం వంటి వాటికి దారితీయొచ్చు.
అల్ జజీరా సంస్థ ప్రధాన కార్యాలయం ఖతర్‌లో ఉంటుంది. ఏడు నెలల సుదీర్ఘ సంఘర్షణపై ఇజ్రాయెల్, హమాస్‌ల మధ్య చర్చలకు ఇప్పుడు ఖతర్ మధ్యవర్తిత్వం వహిస్తోంది. గతంలో ఖతర్ మధ్యవర్తిత్వం వహించిన చర్చలు తాత్కాలిక కాల్పుల విరమణ, 105 మంది ఇజ్రాయెలీ బందీల విడుదలకు కారణమయ్యాయి.
ఇజ్రాయెల్ ఉద్దేశపూర్వకంగా తమ సిబ్బందిని లక్ష్యంగా చేసుకుందంటూ అల్ జజీరా ఆరోపించింది.
అల్ జజీరా గాజా బ్యూరో చీఫ్ వేల్ అల్ దహ్‌దౌ కుమారుడు హంజా అల్ దహ్‌దౌతో పాటు జర్నలిస్టులు ఇజ్రాయెల్ దాడుల్లో చనిపోయారు. జర్నలిస్టులను తాము టార్గెట్ చేయట్లేదంటూ ఇజ్రాయెల్ చెబుతోంది.
‘‘తాము చేస్తోన్న నేరాలను కప్పిపుచ్చడానికి జర్నలిస్టులను అరెస్ట్ చేస్తూ, చంపుతూ ఇజ్రాయెల్ పత్రికా స్వేచ్ఛను కాలరాస్తోంది. కానీ, ఇవేవీ మేము మా విధులను నిర్వర్తించకుండా అడ్డుకోలేవు’’ అని నిషేధం తర్వాత అల్ జజీరా స్పందించింది.
ఇవి కూడా చదవండి:
- ‘వైట్‌ గోల్డ్’ కోసం చైనా తీసుకున్న ఈ చర్య ఇతర దేశాల్లో టెన్షన్ పెంచుతోంది
- నీకా షాకరామీ: ఇరాన్ భద్రతా దళాలే ఈ టీనేజర్‌ను లైంగికంగా వేధించి, చంపేశాయని వెల్లడి చేసిన సీక్రెట్ డాక్యుమెంట్
- దక్షిణ కొరియా: ప్రెప్పర్లు ఎవరు, ఉత్తర కొరియాతో యుద్ధం భయంతో ఎందుకు అన్నీ సర్దుకుంటున్నారు?
- లోక్‌సభ ఎన్నికలు: ఒకనాడు 400కు పైగా స్థానాలలో గెలిచిన కాంగ్రెస్ పార్టీ ఇప్పుడు 300 స్థానాలలో మాత్రమే ఎందుకు పోటీ చేస్తోంది?
- 4.7 కోట్ల ఏళ్లనాటి వాసుకి పాము అవశేషాలు వెలుగులోకి.. అసలేంటి ఈ పాము కథ?
( బీబీసీ తెలుగును ఫేస్‌బుక్ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)
- తెలిసిన ముఖాలను గుర్తుపట్టలేకపోతున్నారా? చికిత్స లేని ఈ వ్యాధిని ఎదుర్కోవడం ఎలా?
- పాకిస్తాన్ టీవీ డిబేట్‌లో గెస్టుల పిడిగుద్దులు.. అసలేం జరిగింది?
- బైపోలర్ డిజార్డర్: ఉన్నట్టుండి తెలియని వ్యక్తిని ముద్దు పెట్టుకుంది.. ఆమెకు ఏమైంది?
సంబంధిత కథనాలు
- జర్నలిస్టులు బలవంతంగా స్వదేశాలను విడిచి ఎందుకు వెళ్లాల్సి వస్తోంది?
- ‘రిపోర్టింగ్ చేస్తూ లైవ్‌లో ఏడ్చేశాను, యుద్ధంలో ఎన్ని దారుణాలు చూశానంటే’: బీబీసీ గాజా రిపోర్టర్ అనుభవాలు
- అమెరికా అధ్యక్షుడి విమానంలో మాయమవుతున్న వస్తువులు... వార్నింగ్ ఇచ్చిన వైట్‌హౌస్
- కేంద్ర ప్రభుత్వ ఫ్యాక్ట్ చెకింగ్ యూనిట్‌ ఏర్పాటుపై సుప్రీం కోర్టు స్టే, దీనిపై వివాదం ఎందుకు?
- బీబీసీ ఇండియా ఆపరేషన్లలో మార్పులు.. ప్రకటించిన సంస్థ
- న్యూస్‌క్లిక్‌కు వ్యతిరేకంగా ప్రచురించిన కథనంపై 'న్యూయార్క్ టైమ్స్' బీబీసీతో ఏం చెప్పిందంటే...