ఇంకుడు గుంతల నిర్మాణంపై వాటర్బోర్డు శిక్షణ
హైదరాబాద్, వెలుగు: గ్రేటర్సిటీలో భూగర్భ జలాలను పెంచేందుకు మెట్రోవాటర్బోర్డు, ఈపీటీఆర్ఐ, జీహెచ్ఎంసీ సంయుక్తంగా చర్యలు చేపట్టాయి. ఇందుకు గుంతల నిర్మాణంపై ప్లంబర్స్, మేస్త్రీలకు 3 రోజుల శిక్షణను సోమవారం బోర్డు ఆఫీసులో ప్రారంభించారు. బోర్డు మేనేజింగ్ డైరెక్టర్ సుదర్శన్రెడ్డి కార్యక్రమాన్ని ప్రారంభించి మాట్లాడారు. వాన నీటి సంరక్షణలో ఇంకుడు గుంతలది ముఖ్య పాత్ర అని పేర్కొన్నారు. భూగర్భ జలాలు పెరిగేందుకు ప్రజలు ఇంకుడు గుంతల నిర్మాణం చేపట్టాలని సూచించారు.
జూబ్లీ హిల్స్ లో వాటర్బోర్డు నిర్మించిన రెయిన్ వాటర్ హార్వెస్టింగ్ థీమ్ పార్క్ ను గుర్తు చేశారు. శిక్షణలో పాల్గొనాలనుకునే వారు 8639619366 నంబర్ కు లేదా [email protected]కు మెయిల్ చేసి రిజిస్ట్రేషన్ చేసుకోవచ్చని సూచించారు. కార్యక్రమంలో ప్రాజెక్టు డైరెక్టర్ శ్రీధర్ బాబు, రెవెన్యూ డైరెక్టర్ ప్రవీణ్ కుమార్, జీఎం రాజేందర్, ఇంకుడు గుంతల నిర్మాణ ప్రత్యేకాధికారి జాల సత్యనారాయణ, రిసోర్స్ పర్సన్ కల్పన, ప్లంబర్స్, మేస్త్రీలు పాల్గొన్నారు.
©️ VIL Media Pvt Ltd. 2024-04-23T05:10:03Z dg43tfdfdgfd