‘ఊపిరాడకుండా ఉక్కిరిబిక్కిరి చేసే ప్రాణాంతక రసాయనిక పదార్థం’ క్లోరోపిక్రిన్‌ను తన శత్రువులపై రష్యా ప్రయోగిస్తోందా?
యుక్రెయిన్తో యుద్ధంలో రష్యా రసాయన ఆయుధాలు ప్రయోగిస్తోందని అమెరికా ఆరోపించింది.
రసాయన ఆయుధాలను రష్యా ఓ 'యుద్ద పద్ధతి'గా ఉపయోగిస్తోందని, ఇది అంతర్జాతీయ చట్టాలను ఉల్లంఘించడమేనని అమెరికా ఆరోపణలు చేసింది.
యుక్రెయిన్తో యుద్ధంలో పైచేయి సాధించేందుకు ప్రాణాంతక క్లోరోఫిలిన్‌ను రష్యా ఉపయోగించిందని యూఎస్ స్టేట్ డిపార్ట్‌మెంట్ అధికారులు చెబుతున్నారు.
రష్యా రసాయన ఆయుధాలను ప్రయోగించడం ఇదే ఇప్పుడేం కొత్తకాదని, అది రష్యాతో సహా ప్రపంచంలోని పలు దేశాలు సంతకాలు చేసిన కెమికల్ వెపన్స్ కన్వెన్షన్ (సీడబ్ల్యూసీ)ని ఉల్లంఘించడమేనని అమెరికా అధికారులు అంటున్నారు.
ఆరోపణలను తోసిపుచ్చిన రష్యా
తమపై వచ్చిన ఈ ఆరోపణలన్నింటినీ క్రెమ్లిన్ తిరస్కరించింది. అవి 'నిరాధారమైనవి'గా పేర్కొంది.
నూతన రసాయన ఆయుధాల తయారీ లేదా కొనుగోలు చేయడాన్ని నిషేధించే సీడబ్ల్యూసీ ఒప్పందానికి రష్యా కట్టుబడి ఉందని రష్యన్ ప్రభుత్వ ప్రతినిధి డిమిత్రి పెస్కోవ్ మాస్కోలో అన్నారు.
ప్రపంచంలోని దాదాపు 193 దేశాలు ఈ ఒప్పందాన్ని ఆమోదించాయి.
ఏంటీ క్లోరోపిక్రిన్
ఎవరినైనా చంపేందుకు లేదా ఎవరికైనా హాని కలిగించేందుకు వినియోగించే విషపూరిత రసాయన మూలకాలున్న పదార్ధాలే రసాయన ఆయుధాలని రసాయన ఆయుధాలపై నిషేధం విధించే సంస్థ (ఓపీసీడబ్ల్యూ - ది ఆర్గనైజేషన్ ఫర్ ప్రొహిబిషన్ ఆఫ్ కెమికల్ వెపన్స్), సీడబ్ల్యూసీ పరిధిలోని పర్యవేక్షణ కమిటీ చెబుతున్నాయి.
అమెరికా చెబుతున్న 'క్లోరోపిక్రిన్' అనేది మొదటి ప్రపంచ యుద్ధ సమయంలో వాడిన జిడ్డుగా ఉండే ఓ పదార్థం.
యూఎస్ సెంటర్ ఫర్ డిసీజ్ కంట్రోల్(సీడీసీ) ప్రకారం, క్లోరోపిక్రిన్ ఊపిరితిత్తులు, కళ్లు, చర్మానికి హాని చేస్తుంది. వాంతులు, విరేచనాలకు కూడా కారణమవుతుంది.
సీడబ్ల్యూసీ ఒప్పందం ప్రకారం, యుద్ధంలో ఈ రసాయన పదార్థాన్ని వినియోగించడంపై స్పష్టమైన నిషేధం ఉంది. ఊపిరాడకుండా ఉక్కిరిబిక్కిరి చేసే ప్రాణాంతక రసాయనిక పదార్థంగా ఓపీసీడబ్ల్యూ దీనిని అభివర్ణించింది.
అమెరికా హెచ్చరికలు
యుద్ధంలో కూడా రష్యా తరచూ టియర్ గ్యాస్‌ను వాడుతోందని యూఎస్ స్టేట్ డిపార్ట్‌మెంట్ తెలిపింది.
యుక్రెయిన్‌లో రసాయన ఆయుధాలను మోహరించడంపై అమెరికా అధ్యక్షుడు జో బైడెన్ ఇప్పటికే రష్యాకు హెచ్చరికలు చేశారు. రష్యా అధ్యక్షుడు వ్లాదిమిర్ పుతిన్ రసాయన ఆయుధాలను ఉపయోగిస్తే ''తగిన మూల్యం'' చెల్లించాల్సి వస్తుందంటూ యుక్రెయిన్‌పై దాడి చేసిన కొద్దివారాల తర్వాత, 2022 మార్చిలో బైడెన్ హెచ్చరించారు.
''వాళ్లు (రష్యా) వాటిని (రసాయన ఆయుధాలను) ఉపయోగిస్తే, మేం ప్రతిస్పందిస్తాం'' అని ఆయన అన్నారు. ఎలాంటి చర్యకు దిగితే, అదే రకమైన ప్రతీకార చర్య ఉంటుందన్నారు.
కానీ, అమెరికా హెచ్చరికలను రష్యా పట్టించుకోవడం లేదంటూ నివేదికలు వస్తూనే ఉన్నాయి. అల్లర్లను నియంత్రించేందుకు ఉపయోగించే రసాయనాలను రష్యా ఘర్షణాత్మక ప్రాంతాల్లో వాడుతోందని యూఎస్ ఆర్మ్స్ కంట్రోల్ డిపార్ట్‌మెంట్ అసిస్టెంట్ సెక్రటరీ మాలోరి స్టీవార్ట్ గతంలో చెప్పారు.
అయితే, ఇటీవల కాలంలో తమ బలగాలపై రసాయన దాడులు జరిగినట్లు యుక్రెయిన్ చెబుతోంది. సీఎస్, సీఎన్ టియర్ గ్యాస్‌తో నిండిన గ్రనేడ్లను రష్యన్ సైనికులు ఉపయోగించారని ఈ ఏడాది ప్రారంభంలో వార్తా సంస్థ రాయిటర్స్ రిపోర్ట్ చేసింది.
కనీసం 500 మంది యుక్రెయిన్ సైనికులు విషవాయువుల ప్రభావానికి గురై చికిత్స తీసుకోవాల్సి వచ్చిందని, వారిలో ఒకరు టియర్ గ్యాస్ కారణంగా ఊపిరాడక మరణించినట్లు అందులో పేర్కొంది.
రష్యాపై ఆరోపణలు
సీడబ్ల్యూసీ నిబంధన ప్రకారం రష్యా అవసరమైన చర్యలు చేపట్టిందని, ప్రచ్ఛన్న యుద్ధ కాలంనాటి ఆయుధాల నిల్వలను ధ్వంసం చేసిందని ఓపీసీడ్ల్యూ 2017లో తెలిపింది.
కానీ, రష్యా తన వద్దనున్న నిల్వల్లో సగం గురించి మాత్రమే చెప్పిందని బ్రిటన్‌కి చెందిన హౌస్ ఆఫ్ కామన్స్ లైబ్రరీ ఆరోపించింది.
2017 నుంచి రష్యా రెండు రసాయన దాడులు చేసింది. మొదటిది సాలిస్‌బరీ దాడి. ఇందులో రష్యన్ మాజీ గూఢచారిపై దాడి జరిగింది. 2020లో అప్పటి ప్రతిపక్ష నేత అలెక్సీ నావెల్నీ‌పై విషప్రయోగం జరిగినట్లు వెలుగులోకి వచ్చింది.
ఈ ఆరోపణలన్నీ 30 మందిని లక్ష్యంగా చేసుకుని ఆమెరికా విధించిన ఆంక్షల్లో భాగమే. నావెల్నీ మరణంతో సంబంధమున్న ముగ్గురు వ్యక్తులు కూడా వారిలో ఉన్నారు.
వారంతా అలెక్సీ నావెల్నీ మరణించిన సైబీరియన్ జైలు కాలనీలో పనిచేస్తున్నారు. నావెల్నీ మరణానికి ప్రభుత్వానికి సంబంధం ఉందన్న ఆరోపణలను రష్యా ఖండించింది. మరోవైపు, నావెల్నీ మరణానికి అధ్యక్షుడు పుతిన్‌దే బాధ్యతని ఆయన భార్య పేర్కొన్నారు.
తూర్పు యుక్రెయిన్‌లో రష్యా విజయం
మే 9న విక్టరీ డే జరుపుకోవడానికి ముందు తూర్పు యుక్రెయిన్‌లో రష్యా పైచేయి సాధించింది.
రెండో ప్రపంచ యుద్ధంలో సోవియట్ యూనియన్ సాధించిన విజయానికి గుర్తుగా మే 9న రష్యాలో విక్టరీ డే జరుపుకుంటారు.
ప్రస్తుతం రష్యా, యుక్రెయిన్ సైనికుల పోరు చాసివ్ యార్ నగరం చుట్టూ తిరుగుతోంది. అవదీవ్కాను స్వాధీనం చేసుకున్న అనంతరం, ఇప్పుడు రష్యా నియంత్రణ సాధించాలనుకుంటున్న ప్రాంతం ఇది.
యుక్రెయిన్ సెక్యూరిటీ సర్వీస్‌కి అనుబంధంగా కొనసాగుతున్న సైబర్ సెక్యూరిటీ విభాగాధిపతిని ఆ బాధ్యతల నుంచి యుక్రెయిన్ అధ్యక్షుడు వొలొదిమిర్ జెలెన్‌స్కీ తొలగించిన సమయంలో ఇది జరిగింది.
యుక్రెయిన్‌కి చెందిన ఒక జర్నలిస్టును శిక్షించేందుకు ఆయన అధికార దుర్వినియోగానికి పాల్పడ్డారని ఆరోపణలు ఉన్నాయి. సైబర్ సెక్యూరిటీ అధిపతిపై వచ్చిన అవినీతి ఆరోపణలను ఆ జర్నలిస్ట్ రిపోర్ట్ చేశారు.
రష్యా యుద్ధ నేరాలపై హ్యూమన్ రైట్స్ వాచ్ విచారణకు పిలుపునిచ్చింది. లొంగిపోయిన డజనుకి పైగా యుక్రెయిన్ సైనికులను రష్యా హత్య చేసినట్లు ఆధారాలు లభ్యమయ్యాయి. 2023 డిసెంబర్ నుంచి 2024 ఫిబ్రవరి మధ్య ఈ ఘటనలు జరిగినట్లు ఆ సంస్థ ఒక ప్రకటనలో తెలిపింది.
ఇవి కూడా చదవండి:
- హెచ్‌డి దేవేగౌడ: అన్నం లేక పస్తులున్న రోజుల నుంచి ప్రధానమంత్రి పదవి దాకా.
- దక్షిణ కొరియా: ప్రెప్పర్లు ఎవరు, ఉత్తర కొరియాతో యుద్ధం భయంతో ఎందుకు అన్నీ సర్దుకుంటున్నారు?
- లోక్‌సభ ఎన్నికలు: ఒకనాడు 400కు పైగా స్థానాలలో గెలిచిన కాంగ్రెస్ పార్టీ ఇప్పుడు 300 స్థానాలలో మాత్రమే ఎందుకు పోటీ చేస్తోంది?
- 4.7 కోట్ల ఏళ్లనాటి వాసుకి పాము అవశేషాలు వెలుగులోకి.. అసలేంటి ఈ పాము కథ?
- అడాల్ఫ్ హిట్లర్ కోసం ఆ మహిళలు కన్న వేలమంది ‘ఆర్య పుత్రులు’ ఏమయ్యారు?
బీబీసీ తెలుగును ఫేస్‌బుక్ఇన్‌స్టాగ్రామ్‌, ట్విటర్‌లో ఫాలో అవ్వండి. యూట్యూబ్‌లో సబ్‌స్క్రైబ్ చేయండి.)
- ఏజెంట్ల చేతిలో మోసపోయి రష్యా దళాల తరఫున యుక్రెయిన్ మీద పోరాడిన ఇద్దరు భారతీయులు స్వదేశానికి ఎలా తిరిగి వచ్చారు, ఏమంటున్నారు?
- హవానా సిండ్రోమ్: ఈ అంతుచిక్కని ఆరోగ్య సమస్యకూ రష్యా నిఘా వ్యవస్థకూ సంబంధం ఉందా?
- రష్యా: సెక్స్ థీమ్ పార్టీలపై పోలీసులు ఎందుకు దాడి చేస్తున్నారు... అక్కడ అసలేం జరుగుతోంది?
- రాకేశ్ శర్మ అంతరిక్షంలో ఏం చేశారు? అక్కడి నుంచి చూస్తే భారతదేశం ఎలా కనిపించింది?
- మాస్కోలో 137 మందిని చంపేసిన సంస్థతో భారత్‌కు ముప్పు ఉందా?
- క్రెమ్లిన్ బ్లడ్ కాక్‌టెయిల్స్: టీనేజర్లను భయపెడుతున్న రష్యా కొత్త పాఠ్యపుస్తకాలు, అందులో ఏం ఉందంటే?
- రూపర్ట్ మర్దోక్: 92 ఏళ్ల వయసులో ప్రేమ పెళ్లి చేసుకోబోతున్న మీడియా దిగ్గజం, ఈ జంట కథ ఇదీ..
- అలెక్సీ నవాల్నీ: రష్యాలో ప్రభుత్వాన్ని వ్యతిరేకించడం ప్రమాదకరమే, అయినా వెనక్కి తగ్గేది లేదంటున్న ప్రతిపక్ష నేతలు
- అలెక్సీ నవాల్నీ: పుతిన్‌ను ఎదిరించిన నేతతో పెళ్లిపై యూలియా నవాల్నియా ఏమన్నారు?
- లెనిన్: ఈ సోవియట్ యూనియన్ వ్యవస్థాపకుడి గురించి తెలుసుకోవాల్సిన 3 విషయాలు
- రూపాయిల్లోనే విదేశీ చెల్లింపులకు ఎక్కడ బ్రేక్ పడుతోంది.. చైనాకు సాధ్యమైనది భారత్‌కు ఎందుకు కావడంలేదు
- గాజా, యుక్రెయిన్ కాకుండా ఈ భూమ్మీద ఇంకెన్ని యుద్ధాలు జరుగుతున్నాయో మీకు తెలుసా?
- ‘మా నాన్న సీఎం’
- ఎన్నికల్లో సోషల్ మీడియా స్టార్‌ల ప్రభావం ఎలా ఉంది?
- యాపిల్: పడిపోయిన ఐఫోన్ల అమ్మకాలు, అసలేమైంది?
- హీరామండి: లాహోర్‌లో సంపన్నులైన సెక్స్ వర్కర్లు నివసించే ప్రాంతానికి ఈ పేరు ఎలా వచ్చింది?
- అరకు: నోటా ఓట్లలో దేశంలోనే రెండోస్థానంలో నిలిచిన నియోజకవర్గం, ఇక్కడి ప్రజలు నోటాను ఎందుకు ఎంచుకుంటున్నారు?
- నీలం సంజీవ రెడ్డి: సీఎం, రాష్ట్రపతి సహా 5 కీలక పదవులు చేపట్టిన ఒకే ఒక్కడు