ముస్లిం రిజర్వేషన్లపై కాంగ్రెస్ దుష్ర్పచారం : నడ్డా
ముస్లిం రిజర్వేషన్లపై కాంగ్రెస్ దుష్ర్పచారం : నడ్డా
- ముస్లిం రిజర్వేషన్లు రద్దు చేస్తం
- తెలంగాణలో మెజార్టీ ఎంపీ సీట్లు గెలుచుకుంటం.. అభివృద్ధిలో భారత్‌‌‌‌ను అగ్రగామిగా నిలబెట్టాం
- నల్గొండ, చౌటుప్పల్, పెద్దపల్లి సభల్లో బీజేపీ నేషనల్ చీఫ్
నల్గొండ/ యాదాద్రి/ పెద్దపల్లి, వెలుగు: బీజేసీ మరోసారి అధికారంలోకి వస్తే కాంగ్రెస్ ప్రభుత్వం ముస్లింలకు ఇచ్చిన నాలుగు శాతం రిజర్వేషన్లు రద్దు చేస్తామని బీజేపీ జాతీయ అధ్యక్షుడు నడ్డా అన్నారు. సోమవారం నల్గొండ, యాదాద్రి జిల్లా చౌటుప్పల్, పెద్దపల్లిలో నిర్వహించిన బీజేపీ సభల్లో ఆయన మాట్లాడారు. రిజర్వేషన్ల పై కాంగ్రెస్ ప్రభుత్వం దుష్ప్రచారం చేస్తున్నదని మండిపడ్డారు.
రాజ్యాంగం రద్దు, -రిజర్వేషన్లు రద్దు అంటూ కాంగ్రెస్ ఓటు బ్యాంకు రాజకీయాలు చేస్తున్నదని విమర్శించారు. ఉమ్మడి ఏపీలోని ఎస్సీ, ఎస్టీ, ఓబీసీల రిజర్వేషన్ల నుంచి 4 శాతం కోతపెట్టి అప్పటి ప్రభుత్వం ముస్లింలకు కట్టబెట్టిందని గుర్తు చేశారు. ప్రస్తుతం కర్నాటకలో కూడా ముస్లింలకు 4 శాతం రిజర్వేషన్లు ఇస్తున్నదన్నారు. ముస్లిం రిజర్వేషన్లు రద్దు చేసి తిరిగి ఎస్సీ, ఎస్టీ, ఓబీసీలకు ఇస్తామని స్పష్టం చేశారు.
పాక్ పై సర్జికల్ స్ట్రైక్స్ చేశాం
పాకిస్తాన్‌‌‌‌పై సర్జికల్ స్ట్రైక్ చేసి భారత్‌ సత్తా ఏంటో చూపించామని నడ్డా అన్నారు. కాంగ్రెస్ మాత్రం సర్జికల్ స్ట్రైక్కు సాక్ష్యాలు అడుగుతోందని విమర్శిం చారు. పదేండ్ల మోదీ పాలనలో దేశం ఎంతో అభివృద్ధి సాధించిందని అన్నారు. బీజేపీ మళ్లీ అధికా రంలోకి రాగానే ప్రతి ఇంటికి పైపులైన్ ద్వారా గ్యాస్ అందిస్తామని చెప్పారు. పేదలకు ఉచితంగా రేషన్ అందిస్తున్నారని తెలిపారు. బీబీనగర్కు ఎయిమ్స్ మంజూరు చేశామన్నారు. రామగుండంలో ఆర్ఎఫ్ సీఎల్ను తిరిగి ప్రారంభించామని, తెలంగాణలో రైల్వే మార్గాన్ని పెంచామని, పెద్దపల్లికి లాభం కలిగేలా నిజామాబాద్ నుంచి ఇండోర్కు రైలు ప్రారంభిస్తున్నామని చెప్పారు.
ఈసారి తెలంగాణలో బీజేపీ మెజారిటీ స్థానాల్లో విజయం సాధిస్తుందని ధీమా వ్యక్తం చేశారు. ఈ సభల్లో ఎంపీ అభ్యర్థులు సైదిరెడ్డి, బూర నర్సయ్య గౌడ్, శ్రీనివాస్, బీజేపీ నేతలు మాజీ ఎమ్మెల్సీ రాంచందర్‌‌‌‌రావు, కాసం వెంకటేశ్వర్లు, గూడూరు నారాయణ రెడ్డి, దుగ్యాల ప్రదీప్రావు, ఎస్.కుమార్, సుహాసిని తదితరులు పాల్గొన్నారు.
©️ VIL Media Pvt Ltd. 2024-05-07T01:48:05Z dg43tfdfdgfd