ప్రతీ విద్యార్థికీ రూ.4 లక్షలు.. కేంద్రం పథకం.. ఇలా దరఖాస్తు చేసుకోండి
పథకం పేరు:ఈ పథకం పేరు వొకేషనల్ ఎడ్యుకేషన్ అండ్ ట్రైనింగ్ లోన్ స్కీమ్. దీన్ని కేంద్ర ప్రభుత్వం అమలుచేస్తోంది. దీని ద్వారా యువతకు కేంద్రం ఆర్థిక సాయం చేస్తోంది. దీని ద్వారా యువత.. తమ స్కిల్స్ మెరుగుపరచుకొని, ఉద్యోగాలకు అర్హత సాధించగలుగుతున్నారు. ఈ పథకంతో లాభమేంటి?ఈ పథకం కింద కేంద్రం ఇచ్చే డబ్బును విద్యార్థులు.. తమ వొకేషనల్ ఎడ్యుకేషన్, ట్రైనింగ్ కోర్సు కోసం ఉపయోగించుకోవచ్చు. అంటే అడ్మిషన్ లేదా ట్యూషన్ ఫీజు, పరీక్షల ఫీజు, లైబ్రరీ ఫీజు, ల్యాబొరేటరీ ఫీజు, కాషన్ డిపాజిట్ కోసం, బుక్స్ కొనుక్కోవడానికీ, పరికరాలు కొనుక్కోవడానికీ, ఇన్‌స్ట్రుమెంట్స్ కోసం, బోర్డింగ్ కోసం, లాడ్జింగ్ కోసం మనీని ఉపయోగించుకోవచ్చు. లోన్ విధానమేంటి?ఈ స్కీమ్ కింద లోన్ అనేది.. అవసరాన్ని బట్టీ ఇస్తారు. తద్వారా విద్యార్థి తన 90 శాతం ఖర్చులను నెరవేర్చుకోవచ్చు. ఈ స్కీమ్ కింద చేపట్టే కోర్సులు 2 ఏళ్ల వరకూ ఉండొచ్చు. అలాగే.. విద్యార్థికి ఇచ్చే రుణం రూ.4,00,000 దాకా ఉంటుంది. ఒకవేళ కోర్సు ఖర్చు రూ.4లక్షలకు మించితే, దాన్ని విద్యార్థే భరించాలి. రుణంపై వడ్డీ ఎంత?ఈ స్కీమ్ లోన్‌పై నేషనల్ సఫాయ్ కర్మచారీస్ (పారిశుధ్య కార్మికులు) ఫైనాన్స్ అండ్ డెవలప్‌మెంట్ కార్పొరేషన్ (NSKFDC) సంవత్సరానికి 1 శాతం చొప్పున వడ్డీ రేటును ఫిక్స్ చేసింది. అలాగే.. వడ్డీపై లోన్ ఇచ్చే సంస్థ మరో 4 శాతం వడ్డీని వసూలు చేస్తుంది. మహిళా విద్యార్థుల విషయంలో వడ్డీపై 0.5 శాతం రిబేట్ (తగ్గింపు) ఉంటుంది. ఈ రుణాన్ని 7 సంవత్సరాల్లో తిరిగి చెల్లించాలి. లోన్ పొందేందుకు అర్హతలు:ఈ రుణం పొందే విద్యార్థి తప్పనిసరిగా NSKFDC గ్రూపుకి చెందిన వారు అయివుండాలి. విద్యార్థి.. మంత్రిత్వ శాఖ, డిపార్ట్‌మెంట్ లేదా ప్రభుత్వ సంస్థ లేదా నేషనల్ స్కిల్ డెవలప్‌మెంట్ కార్పొరేషన్ లేదా స్టేట్ స్కిల్ మిషన్‌లు/స్టేట్ స్కిల్ కార్పొరేషన్‌ల మద్దతు ఉన్న కంపెనీ, సొసైటీ లేదా ఆర్గనైజేషన్ నిర్వహించే లేదా మద్దతు ఇచ్చే కోర్సులో ప్రవేశం పొంది ఉండాలి. ప్రభుత్వ సంస్థ లేదా అలా చేయడానికి ప్రభుత్వంచే గుర్తింపు పొందిన/అధికారం పొందిన సంస్థ ద్వారా జారీ చేసిన ఒక సర్టిఫికేట్/డిప్లొమా/డిగ్రీ మొదలైనవి కలిగివుండాలి. కోర్సుకు అర్హతలు:ప్రభుత్వ మంత్రిత్వ శాఖ/డిపార్ట్‌మెంట్/సంస్థ లేదా నేషనల్ స్కిల్ డెవలప్‌మెంట్ కార్పొరేషన్ లేదా స్టేట్ స్కిల్స్/మిషన్/సొసైటీ/సంస్థ ద్వారా కనీసం 6 నెలల నుంచి 2 సంవత్సరాల వరకు ఉండే వృత్తి విద్య, శిక్షణ కోర్సులు చెయ్యవచ్చు. కోర్సు పూర్తయ్యేనాటికి విద్యార్థికి కనీసం 18 ఏళ్లు నిండాలి. గరిష్ట వయసు పరిమితి 50 సంవత్సరాలు. విద్యార్థికి కావాల్సిన పత్రాలు:ఆధార్ కార్డు, డ్రైవింగ్ లైసెన్స్, బ్యాంక్ అకౌంట్ వివరాలు, కుల ధృవీకరణ పత్రం, ఆదాయ పత్రం, నివాస ధృవీకరణ పత్రం అవసరం. దరఖాస్తు చేసుకునే విధానం:విద్యార్థులు ఆన్‌లైన్‌లో దరఖాస్తు చేసుకోవచ్చు. ఇందుకోసం అధికారిక వెబ్‌సైట్ https://nskfdc.nic.in/en/content/home/home లోకి వెళ్లాలి. హోం పేజీలో How to Applyపై క్లిక్ చెయ్యాలి. తర్వాత లోన్ అప్లికేషన్ ఫారం (https://nskfdc.nic.in/en/content/home/home) వస్తుంది. దాన్ని క్లిక్ చెయ్యాలి. అప్పుడు మీ ముందు ఫారమ్ (https://nskfdc.nic.in/en/content/how-apply/loan-application-form) ఓపెన్ అవుతుంది. అందులో వివరాల్ని ఇచ్చి, save క్లిక్ చెయ్యడం ద్వారా.. దరఖాస్తు చేసుకున్నట్లవుతుంది.
2024-05-18T06:54:05Z