NAGA PANCHAMI TODAY: పంచమి సీమంతానికి ముత్తైదువులా కరాళి! ఊహించని ప్రమాదంలో తల్లిబిడ్డ

Naga Panchami 2024 March 28 Episode: పంచమి, మోక్షలపై పగ పట్టిన ఫణేంద్ర, కరాళిలు.. వాళ్లకు యాక్సిడెంట్ అయ్యేలా చేస్తారు. కారు మీద క్షుద్ర శక్తిని ప్రయోగించి.. యాక్సిడెంట్ అయ్యేలా ప్లాన్ చేస్తుంది కరాళి. దాంతో కారు ఆగిపోయి.. పంచమి నేలపై పడిపోతుంది సృహ లేకుండా. ఇక మోక్షఅయితే రక్తంతో ప్రాణమే లేనట్లుగా కారు డోర్ మీద వాలిపోతాడు. ఆ పరిస్థితి చూసి నవ్వుకుంటూ దగ్గరకు వస్తారు కరాళి, ఫణేంద్రలు. వెంటనే కరాళి.. పక్కనే ఉన్న బండరాయిని ఎత్తి.. పంచమి తల పగలగొట్టానికి సిద్ధమవుతుంది. అప్పుడే వస్తుంది నాగేశ్వరి పాము రూపంలో.

కరాళిని చుట్టేసి.. రాయి కిందకు వదిలిపెట్టే వరకూ పడగ విప్పి.. కరాళి ముఖంపై బుసలుకొట్టడంతో.. కరాళి భయపడి.. రాయిని పంచమి మీద వేయకుండా.. వెనక్కి వదిలేస్తుంది. దాంతో వెంటనే ఫణేంద్ర.. పంచమి గొంతు నులమడానికి సిద్ధపడిపోతాడు. దాంతో నాగేశ్వరి మనిషి రూపంలోకి మారి.. కింద పడిన బండరాయిని ఎత్తి.. అప్పటికే కింద కూలబడిన కరాళిని కొట్టడానికి సిద్ధంగా నిలబడుతుంది. ‘ఫణేంద్రా.. పంచమిని వదిలిపెట్టకపోతే.. కరాళిని చంపేస్తాను’ అంటూ అరుస్తుంది నాగేశ్వరి. దాంతో ఫణేంద్ర ఆగుతాడు. నాగేశ్వరిని చూసి కరాళి బిత్తరపోతుంది. ‘మరోసారి పంచమి జోలికి వస్తే.. ఇద్దరినీ చంపేస్తాను’ అని బెదిరించి.. అక్కడి నుంచి తరిమేస్తుంది నాగేశ్వరి పాము. వెంటనే పెద్ద ముత్తైదువులా మారిన నాగేశ్వరి.. నీళ్లతో పంచమి ముఖంపై జల్లి.. పైకి లేపుతుంది.

తన శక్తితో మోక్షకు గాయాలను తగ్గించి.. మామూలు మనిషిని చేసేస్తుంది. కారుని మామూలుగా మార్చేసి.. వెంటనే మోక్ష, పంచమీలను క్షేమంగా ఇంటికి పంపించి.. తాను కూడా వారి వెనుకే ఇంటికి వెళ్తుంది. ఇక తర్వాత కూడా ఫణేంద్ర పాము రూపంలో వాళ్లను చంపడానికి విశ్వప్రయత్నాలు చేస్తాడు కానీ.. నాగేశ్వరి మాత్రం ఊరుకోదు. దాంతో కరాళి దగ్గరకు వెళ్లిన ఫణేంద్ర.. ‘పంచమిని చంపాలంటే ముందు నాగేశ్వరి కళ్లు గప్పాలి’ అంటాడు. ‘ఆ ప్రయత్నం మొదలుపెడదాం’ అని కరాళి అంటుంది.

ఇక పంచమి, మోక్ష ఇంటికి వచ్చేసరికి.. వైదేహి మనసు మారి.. హారతి ఇచ్చి.. పంచమిని ప్రేమగా ముద్దాడి.. ఇష్టంగా చూసుకుంటుంది. ‘నా ప్రేమ, బాధ, భయం అంతా మోక్ష గురించే తప్పా.. పంచమి మీద పగతో కాదు.. ఇంతకాలం తప్పు చేశాను. ఇక చేయను ప్రేమగా చూసుకుంటాను నా కోడల్ని’ అంటూ పంచమికి తినిపించడం.. ప్రేమగా చూసుకుంటుంది వైదేహి. మోక్ష మొదట.. పంచమి మీద తల్లి ప్రేమను అనుమానించినా.. తన తల్లి ప్రేమ నిజమే అని గ్రహించి మురిసిపోతాడు.

మరోవైపు కమింగ్ అప్‌లో.. పంచమికి సీమంతం చేస్తుంటారు అంతా. (పంచమి కడుపు చూస్తుంటే రోజులు, నెలలు గడిచినట్లే అనిపిస్తోంది.) ఆ వేడుకలో నాగేశ్వరి కూడా ఉంటుంది. అయితే కరాళి ముత్తైదువులా వచ్చి.. నల్లగాజులు వేసి వెళ్లిపోతుంది. కరాళిని గుర్తుపట్టిన నాగేశ్వరి.. వెనుకే వెళ్లి.. ‘ఏం చేయబోతున్నావ్ పంచమిని?’ అంటూ అరుస్తుంది కరాళి మీద. ‘క్షుద్రపూజ చేసిన నల్లగాజులు వేశాను పంచమి చేతికి’ అంటుంది కరాళి నవ్వుతూ నాగేశ్వరితో.. ఈ లోపు.. సీమంతం జరుపుకుంటున్న పంచమి అప్పటికే నొప్పితో విలవిలాడిపోతుంది. చూడాలి మరి కరాళి ప్రయత్నం ఫలిస్తుందా? తల్లి బిడ్డ ప్రమాదంలో పడతారా? కాపాడేది ఎవరు? అనేది తెలియాల్సి ఉంది. మరిన్ని వివరాలు తరువాయి భాగంలో చూద్దాం.

ఇటువంటి మరిన్ని వార్తలు సమయం తెలుగులో చదవండి. లేటెస్ట్ వార్తలు, సిటీ వార్తలు, జాతీయ వార్తలు, బిజినెస్ వార్తలు, క్రీడా వార్తలు, రాశిఫలాలు ఇంకా లైఫ్‌స్టైల్ అప్‌డేట్లు మొదలగునవి తెలుసుకోండి. వీడియోలను TimesXP లో చూడండి.

2024-03-28T05:53:24Z dg43tfdfdgfd