భార్యాభర్తలు రోజుకు రూ.600 పొందొచ్చు.. ప్రభుత్వం అదిరిపోయే స్కీమ్!
ఆడవాళ్లు వంటింటికే పరిమితం అన్న ఒకప్పటి మాటను మహిళలు తిరుగరాస్తున్నారు. అన్నింటా మేమే అని నిరూపించుకుంటున్నారు. విద్యా, ఉద్యోగం, ఉపాధి ఇలా ప్రతి రంగంలోనూ అవకాశాలను అందిపుచ్చుకొని తామేమిటో రుజువుచేస్తున్నారు. ఆయా రంగాల్లో అద్భుతంగా రాణిస్తున్నారు. ఇంటిని చక్కదిద్దడంతోపాటు వివిధ వృత్తులు, ఉగ్యోగాలు చేస్తూ కుటుంబ పోషణకు బాసటగా నిలుస్తున్నారు. వ్యవసాయ రంగంలోనూ పురుషులతో సమానంగా పనులను చేపడుతూ తమ చెమటను ధారపోస్తున్నారు. పలుగు, పార చేతబట్టి ఉపాధి హామి పనులకు వెళ్ళి కందకాలు తవ్వడం, చెరువుల్లో పూడిక తీయడం, చేపల చెరువులు తోడటం వంటి కఠినమైన పనులను కూడా చేపడుతున్నారు. పురుషుల కంటే ఎక్కువ సంఖ్యలో మహిళలు ఈ పనులకు వెళ్ళడం విశేషం. గ్రామీణ ప్రాంతంలో నిరుపేదలకు ఉపాధిని కల్పించే ఉద్దేశ్యంతో ప్రారంభించిన ఈ ఉపాధి హామి పథకంలో భాగంగా మొదట పురుషులే ఎక్కువ సంఖ్యలో పనులకు వెళ్ళేవారు. చేతి నిండా పని, మంచి భత్యం లభిస్తుండటంతో మహిళలు కూడా ఈ ఉపాధీ హామీ పనుల పట్ల ఆసక్తిని చూపుతున్నారు. ఈ పథకంలో చేరి పురుషులతో సమానంగా శమ్రిస్తున్నారు. పలుగు, పార చేతబట్టి పూడిక తీత, కందకాలు, కాలువల తవ్వకాలు, రోడ్ల నిర్మాణం వంటి పనులను చేపడుతున్నారు. ఉమ్మడి ఆదిలాబాద్ జిల్లాలోని అన్ని మండలాల్లో కొనసాగుతున్న ఈ ఉపాధి హామి పనుల్లో పురుషుల కంటే మహిళలే ఎక్కువ సంఖ్యలో పాల్గొంటున్నారు. పురుషులతో సమానంగా పనిచేస్తున్నారు. జిల్లాలో 2023- 2024 ఆర్ధిక సంవత్సరం లో ఉపాధి హామి పథకంలో పని దినాలను వినియోగించుకున్న వారిలో పురుషుల కంటే 26 వేల 71 మంది మహిళలు ఎక్కువగా ఉన్నారు. జిల్లాలో ఈ ఆర్ధిక సంవత్సరంలో 15,771.12 లక్షల విలువ చేసే పనులు చేయగా ఇందులో అధికంగా వేతనాలు పొందింది మహిళలే. ప్రస్తుతం గడువుకు ముందే వంద శాతం పని దినాలు పూర్తిలో కూడా వారే కీలకంగా వ్యవహరించారు. అయితే పొదుపు కోసం ఏర్పాటు చేసిన మహిళా సంఘాల సభ్యులు గ్రూపుల్లో చేరిన అనంతరం ఉపాధి పనులు చురుగ్గా చేస్తున్నారు. ఒకదశలో వ్యవసాయ కూలీలకు సైతం కొరత ఏర్పడింది. దీంతో ప్రత్యామ్నాయంగా మహారాష్ట్ర నుంచి కూలీలు వలస రావాల్సిన పరిస్థితులు ఏర్పడ్డాయి. రూ.272 రూపాయలు ఉన్న కూలీని ఏప్రిల్ 1 నుండి 300 రూపాయలు పెంచనుండటం మహిళలకు మరింత కలిసి వచ్చే విషయం. ఆదిలాబాద్ జిల్లాలో 17 మండలాలు, 468 గ్రామపంచాయతీలు ఉన్నాయి. మొత్తం లక్షా 71 వేల 468 జాబ్ కార్డులు ఉండగా, అందులో ఆక్టివ్ జాబ్ కార్డులు లక్షా 14 వేల 636 ఉన్నాయి. లక్షా 41 వేల 425 మంచి పురుషులు జాబ్ కార్డులు కలిగి ఉంటే, మహిళలు లక్షా 68 వేల 528 మంది ఉన్నారు. కాగా జిల్లాలో ప్రతిఒక్కరికి ఉపాధి హామిలో పనులు కల్పించేందుకు చర్యలు తీసుకుంటున్నామని ఆదిలబాద్ జిల్లా గ్రామీణాభివృద్ది అధికారి సాయన్న తెలిపారు. అటు మంచిర్యాల జిల్లాలో లక్షా 20 వేల 375 జాబ్ కార్డులు కలిగి ఉన్న కుటుంబాలు ఉండగా, అందులో కూలీల సంఖ్య రెండ్ లక్షల 35 వేల 522 మంది. 78 వేల 740 కుటుంబాలు పనిచేస్తున్నాయి. ఉపాధి హామి పనులకు వెళ్తున్న కూలీలు మొత్తం లక్షా 35 వేల 275 మంది ఉంటే అందులో మహిళలు 73 వేల 558 మంది ఉన్నారు. పురుషులు 61 వేల 717 మంది ఉన్నారు. ఇక్కడ కూడా పురుషుల కంటె మహిళలే అధికంగా ఉన్నారు. మొత్తం మీద గ్రామంలోనే పనులు చేయడానికి ఈ ఉపాధి హామి పథకం దోహదపడుతుండటంలో మహిళలు ఈ ఉపాధి హామి పనుల్లో ఉత్సాహంగా పాల్గొంటున్నారు.
2024-04-26T07:23:45Z
Money Astrology: ఏప్రిల్ 27 ధన జ్యోతిష్యం. ఉద్యోగులకు ప్రమోషన్లు రావచ్చు
(Bhoomika Kalam: భూమిక కలాం, అంతర్జాతీయ జ్యోతిష, టారో కార్డ్ నిపుణులు, ఆస్ట్రోభూమి ఫౌండర్, గ్లోబల్ పీస్ అవార్డు గ్రహీత) Money Astrology (ధన జ్యోతిషం): జ్యోతిష్యులు వివిధ అంశాల ఆధారంగా ఒక వ్యక్తికి ఉద్యోగ, వ్యాపారాల్లో ఎదురయ్యే పరిస్థితులను అంచనా వేస్తుంటారు. గ్రహాలు, నక్షత్రాల గమనం ఆధారంగా వ్యక్తుల ఆర్థిక భవిష్యత్తును విశ్లేషిస్తుంటారు. జ్యోతిష్యం ప్రకారం.. ఏప్రిల్ 27వ తేదీ, శనివారం నాడు అన్ని రాశుల ధన జ్యోతిష్యం ఫలితాలు ఎలా ఉన్నాయో తెలుసుకోండి. మేషం (Aries):చాలా కాలంగా నిలిచిపోయిన ప్రాజెక్టులు మానసిక ఒత్తిడిని కలిగిస్తాయి. ఆర్థిక పరిస్థితి మెరుగుపడుతుంది. ఎమోషన్స్‌లో ఉండి ఎవరికీ అనవసర ప్రామిస్‌లు చేయవద్దు, భవిష్యత్తులో మీరు పశ్చాత్తాప పడాల్సి ఉంటుంది. పరిహారం: వినాయకునికి సింధూరం సమర్పించండి. వృషభం (Taurus):వ్యాపారంలో సమస్యలు రావచ్చు. ఆఫీసులో పగతో ఏ పనీ చేయకండి. మీకు ఇష్టమైన, ప్రియమైన వారితో వివాదాలు పెరగవచ్చు. కనిపించిన అన్నింటినీ కొంటూ ఖర్చు పెట్టడం వల్ల అప్పుల పాలవుతారు. పరిహారం: సూర్యుడిని ఆరాధించండి. మిథునం (Gemini):ఆఫీస్‌లో ఎటువంటి కారణం లేకుండా ఆందోళన మిమ్మల్ని ఇబ్బంది పెడుతుంది. ఆర్థిక పరిస్థితి మెరుగుపడే అవకాశాలు ఉన్నాయి. అవసరాలను కంట్రోల్ చేసుకోండి, లేకపోతే ఖర్చు ఎక్కువగా ఉంటుంది. ఒకేసారి రెండు ప్రాజెక్ట్‌లపై పని చేయవద్దు. పరిహారం: హనుమంతుని గుడిలో బజరంగ్ బాన్ పఠించండి. కర్కాటకం (Cancer):ఆఫీస్‌లో అధికారులతో మ్యూచువల్ ఇంటరాక్షన్ పెరుగుతుంది. మార్పును త్వరగా, సులభంగా అంగీకరించండి. సంపద, లాభం వృద్ధి చెందుతాయి. వ్యాపారంలో పురోగతి ఉంటుంది. పరిహారం: వినాయకుడిని పూజించండి. సింహం (Leo):మీరు ఆర్థిక ఇబ్బందులకు చెక్ పెట్టాలనుకుంటే, ఎవరితోనూ ఒప్పందం చేసుకోకండి, లేకుంటే నష్టం జరగవచ్చు. ఒక నిరంతర సమస్య కారణంగా మీ మనోబలం బలహీనపడుతుంది. వ్యాపారులకు రోజు సాధారణంగా ఉంటుంది. పరిహారం: గోశాలకు దానం చేయండి. కన్య (Virgo):ఆర్థిక పరిస్థితి మెరుగుపడే అవకాశాలు ఉన్నాయి. మీరు మంచి పెట్టుబడి అవకాశాలను పొందుతారు. ప్రియమైనవారి అవసరాలను తీర్చడానికి అవసరమైన డబ్బు మీ దగ్గర ఉంటుంది. వ్యాపారులు తెలివిగా నిర్ణయాలు తీసుకోవాలి. పరిహారం: సరస్వతి అమ్మవారిని పూజించండి. తుల (Libra):కుటుంబ సమస్యలు పెరిగే అవకాశం ఉంది, దీని కారణంగా ఆఫీసు పని దెబ్బతింటుంది. రెండింటినీ విడివిడిగా చూడటం మంచిది. సమయానికి నిర్ణయాలు తీసుకోవడానికి ప్రయత్నించండి. ఉద్యోగంలో కొత్త అవకాశం లభిస్తుంది. పరిహారం: జంతువులకు సేవ చేయండి. వృశ్చికం (Scorpio):నానాటికీ పెరుగుతున్న అవసరాలు మిమ్మల్ని ఆర్థికంగా ఇబ్బంది పెడతాయి. మీరు అప్పు కూడా తీసుకోవాల్సి రావచ్చు. ప్రాజెక్ట్‌ను సకాలంలో పూర్తి చేయడానికి ప్రయత్నించండి. వ్యాపారస్తులు లాభాలు పొందుతారు. సరిగా, పద్ధతిగా మాట్లాడాలి. పరిహారం: చీమలకు పిండి ఆహారంగా వేయండి. ధనస్సు (Sagittarius):ఆఫీసు పనుల గురించి అనవసర ఆందోళన ఉంటుంది. మనసులో కలవరం ఏర్పడుతుంది. కుటుంబ జీవితంలో కూడా ఒడిదుడుకులు ఉంటాయి. వ్యాపారులకు ఈ రోజు నిరుత్సాహంగా ఉంటుంది. పరిహారం: భైరవ దేవాలయంలో జెండా సమర్పించండి. మకరం (Capricorn):నిలిచిపోయిన పనులపై ఆందోళన ఉంటుంది. ఆర్థిక పరిస్థితి మెరుగుపడటంతో కొత్త పెట్టుబడి అవకాశాలు లభిస్తాయి. ఉద్యోగస్తులకు ప్రమోషన్లు రావచ్చు. పరిహారం: శ్రీ సూక్త పారాయణం చేయండి. కుంభం (Aquarius):ఆఫీసులో బాధ్యత పెరుగుతుంది. కొత్త వ్యక్తులను నమ్మే ముందు వారి గురించి పూర్తిగా ఆరా తీయండి. లేకుంటే మీరు చట్టపరమైన వివాదంలో చిక్కుకోవచ్చు. పెట్టుబడికి నేడు మంచి రోజు. అయితే ఇందుకు నిపుణుల సలహా తీసుకోండి. పరిహారం: బుధ గ్రహానికి సంబంధించిన వస్తువులను దానం చేయండి. మీనం (Pisces):డబ్బు సంబంధిత సమస్యలు అలాగే ఉంటాయి. ఆర్థిక పరిస్థితిపై మనసులో ఆందోళన ఉంటుంది. అనవసర ఖర్చుల కోసం అప్పు తీసుకోవలసి రావచ్చు. భూమిపై పెట్టుబడి పెట్టడం వల్ల లాభం ఉంటుంది. పరిహారం: శివలింగానికి అభిషేకం చేయండి. Disclaimer:ఈ కథనం ప్రజల విశ్వాసాలు, ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇవ్వబడింది. న్యూస్18 దీనిని ధృవీకరించలేదు. ఇది కచ్చితంగా వాస్తవమేనని చెప్పేందుకు ఎలాంటి శాస్త్రీయ ఆధారాలూ లేవు.
2024-04-26T23:26:51Z
